المسابقة

تذكير بمساهمة فاتح الموضوع :

السلام عليكم و رحمة الله و بركاته ...
طبعا المسابقة مخلصتش باننا اخترنا الاعضاء و بس
ودلوقتى هقول الشروط :
1- كل فريق يسأل الفريق التانى 3 اسئلة فقط لا غير و بعدين الفريق التانى يرد عليه
2- الفريق التانى طبعا هيسأل 3 اسئلة و الاول يرد عليه و بعد كدة بتتعاد مرة تانية الطريقة
3- اذا جاوب الفريق صح بياخد درجة على كل سؤال
4- الموضوع دة للى مشاركين فى المسابقة ياريت اللى مش مشارك ميساهمش فيه منعا للغبطة
5- مفيش اى خناقات تحصل
6- اما عن كيفية الرد عن الاسئلة فهتكون بتشاور اعضاء الفريق اما برسالة خاصة او غيره و بيتم اختيار عضو للاجابة عن الاسئلة فى الموضوع
7 - لو رئيس الفريق وجد عضو مش فعال او مش بيدخل خاااالص بيتم شطب اسمه و بيجيب بديل له
8- اللى يخالف الشروط بيتم طردة و بنجيب برده بديل له
9- يتم التشاور بين اعضاء الفريق على الاجابات و وضع الاسئلة المناسبة
10- المسابقة هتبقى من 15 يعنى اللى هيجيب 15 هواللى بيفوز
11- يعنى الاسئلة هتبقى على 5 مرات
بس كدة ....
اما عن الفريقين بقى
فهيكون فريق cinderella :
1- الفرعون
2- ines-girl
3- kairo
فريق princess:
1- ملك الظلال
2- نور
3- سهر


شكرا و ان شاء الله لو الموضوع بقى حلو هندخل فرق تانية
و ارجو التواصل

ارجوكم

بلييييييييييس

انا مش من المشتركين

هنشوف............

هنشوف............

هنشوف............

بالتوفيق لكم

فكرة حلوة شكرااااا

العفو
شكرا على الرود

بصي يا برينسيس..kairo جابت الاسئلة..
بس بليز خليها اسئلة سهلة شوية كدة في الاول يعني..

ويا جماعة في حكاية المساعدة دي..كل فريق مسموح عليه انه
حد يساعده في سؤال واحد بس...كلكوا هتتفقوا علي السؤال ده في رسالة خاصة..
بس بأمانة محدش يسأل حد من برة..
والسؤال اللي انتوا محتاجين حد يساعدكوا فيه الاعضاء الباقية بس هم اللي هيجوبوا..
يعني مش حد من برة..
اتمني تكونوا فهمتوني..
وبما ان نور مبقتش تدخل..وعندها ظروف..
فا انتوا مسموح ليكوا تجيبوا عضو تاني بدالها..
وان شاء الله هتبقي نور موجودة في فريق بعد كدة..
واتمني كل عضو مشترك في المسابقة في اي فريق..
انه يدخل كتير عشان يجاوب ويجيب اسئللة وكدة..
والعضو اللي مش هيبقي نشيط في المسابقة هيتغير..

اتمني تكونوا فهمتوني كويس..
شكرااااااااااااااااااااااااااااااااااااااااااااااااااااااا..

ويا ريت الاسئلة تبقي فوازير..
او سؤال خفيف..

وبما ان kairo جابت اسئلة صعبة..
انا جبت فوازير بقي..

يلا حلوا يا حلوين..ياااا رب متعرفوش ولا واحدة..

وهتبقي سهلة شوية في الاول..ومفييييييييييش ميساعدة الا في سؤال واحد تتفقوا عليه..
وحد من المنتدي هيرد عليكوا..ولو كزا حد رد عليكوا تتفقوا بقي مع بعض الاجابة..
اوكي؟؟

يلا بقي نبتدي الاسئلة كفاية رغي..

1-ما هي الشجرة التي ليس لها ظل وليس لها ثمار ؟

2-رقم إذا ضرب فى الرقم الذي يليه كان حاصل الضرب يساوي ناتج جمعهما + 11 ؟

3-اسير بلا رجلين ولا ادخل إلا بالاذنين فمن انا ؟
سهلة صح؟؟

ادامكوا يومين فقططططططط...

وبدوووون مساعدة خاااالص..

لا بقى مش صعبة و دى الاجبات من غير ما اسئل ئى حد من الفريق

1- شجرة العائلة
2- اربعة و خمسة
3- الصوت
زعلانه ليه بس
بس تستهلى عشان بتتحدينا

يا ملك الظلال انت بتلعب لوحدك؟؟!!
وسألت حد ولا انت اللي جاوبتهم؟؟

وانا علي فكرة قولت عليها سهلة...

لا بقي انت تبع فريق يا بابا..
ويا ريت تقرأ الشروط كويس..
وانت جاوبت كمان من غير ما يشوفوا الاسئلة..
يا ريت تلتزم بالشروط..

ياااااااااااااااااااااااااااااا برنسيس..
اعملي حاجة..

بالتوفيق

بالتوفيق

بالتوفيق

معلش يا cinderella
متزعليش
استنى لما برنسيسة تيجى واتفقوا