من طرف amrry la raby الأحد يونيو 06 2010, 00:06مايو, 2010زوجــــــــى احترس هفيرســـك
الراجل اليومين دول جنينى بقى متفرغ للكمبيوتر
وقاعد ليل ونهار ادام الفيس بوخ اقصد الفيس بوك وعمال يعمل شاتنج
ويضحك عليا ويقولى شغل
المهم انى مابقيتش عارفة اتكلم معاه
الباشا مشغول بالفيس وبالشات وسايب شفقات تعض فى بعضها
وكل ما اكلمه يقولى دقيقة واحدة
ثانية... فسوة
ناقص يقولى احجزى قبلها بسنتين
لحد ما اتجننت وقربت على اعراض الهسهس والاستبحس
وقلت لا بقى مابدهاش سكات وكتم انفاس وانتهزت فرصة نزوله من البيت
وقعدت كتبتله جواب بلغة نتنية
يفهمها يمكن يرد عليا واليكم نص الرسالة النتنية نسبة الى النت
زوجى العزيز ولاب توبى
انت عارف اد ايه انا بحبك وقضيت معاك اجمل واحلى ايام عمرى
واللى عمرى ما شفتها ولا هشوفها غير فى بيتك
ده العمى ارحم يا شيخ
ايام كلها برامج تشغيل واؤامر واللى منها برنامج تشغيل الغسالة
وبرنامج غسل المواعين ومسح البلاط
وكله كوم وبرنامج الطبيخ وتقشير البصل كوم تانى
ده غير برنامج المكوة و البرنامج اللى تقريبا بيحتل من هاردى 300 جيجا
وهو برنامج تربية القطط والكلاب
يعنى تقريبا الهارد كله اتملآ
ومبقاش عندى اسبيس فاضية لعمل اى حاجة تانية
لحد ما كان هاردى هيضرب
ومع ذلك كنت سعيدة ومبسوطة ومبهنجش
لكن بعد فترة حسيت انك بدات تتغير
وانه بقى فيه نيو تاب فى حياتك
وبعد ما كان نظام تشغيلك لبرامج الحب والكلام الحلو شغال علطول
بدات تعملهم شت دون وسيف اس لنفسك
ونقلت كل فيلاتك من برامج الحب والعواطف لعاطف
والغزل العفيف لعفيفى
وبرنامج الخروج والفسح لبرامج اللزقة فى البيت
وسماع النشرة الاخبارية الله يقطعها قناة الجزيرة
وبرامج لكى يا سيدتى علشان عكى مش عاجبك
وبرامج خمسة لصحتك علشان بعد الجواز بقيت تحتاج غسيل معدة كتير
كمان بدات تهملنى وتنسى برامج الوقفة معايا فى المطبخ
وعمل السلطة وعملت دليت لبرنامج مساعدتى نهائيا
ورميته فى الريسيكل بن
وان فكرت تساعدنى بتحل كارثة حقيقية فى برنامج المطبخ
وتقريبا بتحطمهولى كله وبتكسروا كله على دماغى
وبدل ما تجبلى هدية بقيت بتلبسنى الحلل
ده غير انه اصبح عندك بطأ فى برنامج الاستجابة لاؤامرى وبدات تعملى اجنور
واصيبت بفيروس السهر ليل نهار ادام شاشة الكمبيوتر والنت
وبقيت تعمل شاتنج
وما تضحكش عليا انا عارفة انك بتعمل شايتنج
مع بنات عور اقصد كول وروشين
ولو عاتبتك او قلتلك نوتس
هتقولى اعملى اوبن لدماغك
وخليكى متحضرة اصلهم مزز وواظويظ
والواحد لازم يواكب العصر ودى الموضة
يعنى من الاخر انت نسيت النسخة الاصلية
ورحت تبصبص للنسخ المضروبة
وان شاء الله هبلغ عنك المصنفات وابقى قابلنى
ده غير انك بقيت مندمج اكتر مع السوفت وير والهارد وير
ونسيت برنامج الرومانسية وير والعاطفية وير والشعرية وير
عموما انت نسيت اى وير فى حياتنا
وطبعا كل ده ترتب عليه عملية تنشيط لسيستم مخى
وبدات استخدم برامج عمرى ما استخدمتها
ومنها برنامج سيرش فى مكالماتك
واتشيك على تليفونك
والهكرز على ايميلك
المهم انى بدأت اشعر باهمال لفيلاتى العاطفية
وعدم وجود شير بينا فى اى حاجة
ده غير انهيار الفوتوز اللى كنت رسمهالك فى خيالى
والبروفايل اللى كنت بتباهى بيه ادام الناس
بعد ما كنت اول الفيفورتى فى حياتى
بقيت عاملة عليك بوك ماركس
وده ادى الى انهيار كامل فى نظام تشغيل اعصابى
وكلوس فظيع فى عواطفى
وعلشان تغير كل ده لقيت انك محتاج هيلب
ايون هيلب بس مش بتاع الكمبيوتر لا الهيلب ابو راسين حديد
ده غير بعض البرامج الاساسية
ومنها برنامج الاهتمام بيا واحترام مشاعرى الجياشة
ايون ما تتريقش دى جاية من الجيوش
اصلى كنت مجندة وحاربت قبل كده بس على جبهة بيتنا
وبعد استشارة كل خبراء الصيانة
نصحونى بانك لازم تعمل كت وحملات
لكل شىء بوظلنا نظام تشغيل حياتنا
وانك لازم تعمل تحديثات جديدة الفين وعشرة
و منها زيادة فى برامج المساعدة فى البيت
وزيادة فى برنامج تشغيل الاسطوانات والكلام الحلو الرومانسى
مع تنشيط لبرنامج الخروج والفسح وزيادة الجرعة الاسبوعية
ده غير انك لازم تحط انتى فيرس قوى
يقضى على موضوع الشات وكلام الليل واخره
وبكده نبقى عملنا ريفيرش من جديد
اما لو مصر على نفس نظام التشغيل اللى انت ماشى بيه
فثق تماما انى مش هسكت
وهولعها حريقة وهضربك بتروجان
يقضى على نظام تشغيلك
واخيرا هعملك اكزيت وديليت نهائى من حياتى
زوجتك المتفيرسة
