من طرف k I L L U A الجمعة يونيو 18 2010, 01:40بلغني أيها الملك السعيد ذو الرأي الرشيد..
إنه كان فيه ملك شديد قاعد في بلد بعيد..
جلس ذات يوم أمام مرآته وحيد..
وسألها السؤال الجديد...
الملك:-قوليلي يا مرايتي..مين أحسن ملك في الدنيا؟؟
المرايا:-أنت طبعاً يا مولاي..
الملك:-طيب ومين أغنى ملك في الدنيا؟؟
المرايا:-أسأل بنوك سويسرا..حتقولك أنه أنت برضه يا مولاي.
الملك:-طيب مين بقى أقوى ملك في الدنيا؟؟
المرايا:-وبعدين معاك..
أنت شكلك فاضي يا مولاي..
برضه أنت يا مولاي
أومال العيال بتوع المظاهرات ماتنفخوش
ولا اتعذبوا إلا في عهدك..
الملك:-طيب قوليلي يا مرايتي أجيب مين بعدي؟؟
المرايا:-يا مولاي هو الشعب ده ورث من أمك..
ما تسيبه هو ونصيبه..
اللي يحكمه يحكمه..
إن شالله يقعد كده عانس من غير حاكم..
وأنت مالك يا مولاي
الملك:-لا يا مرايتي..
دي أمانة حمّلها لي التاريخ..
وأنا لا يمكن أتخلى عن الأمانة دي.
.لا حي ولا ميت..أنا مقاتل..
والمقاتل ما يهربش من المعركة أبداً..
المرايا:-خلاص يا مولاي هات "ابن الوز" وصاحبه "عز" يحكموها..
الملك:-برافو عليك يا مرايتي..
قوليلي يا مرايتي..هو أنا ليه وداني طويلة؟؟
المرايا:-عشان طول النهار بتسمع لشكاوي الناس يا مولانا..
الملك:-طب ليه كرشي واسع كده؟؟
..أصلي الناس بيقولوا ده من كتر مالهم اللي كالته
المرايا:-قطع لسانهم يا فندم.
.ده شوية انتفاخ..
خدلك أنت بس حبتين ديسفلاتيل
وأنت هتبقى زى الفل..
الملك:-طب خلاص.
بس قوليلي كل يوم بتحصل في المملكة مصيبة..
ناس بتغرق وناس بتنحرق في حوادث قطارات..
و أنا صحيح نحس يا مرايتي؟؟
المرايا:-فشر يا فندم..
ده هو اللي شعب فقري ابن(....)
مش عارف يموت
الملك:-طب سؤال أخير يا مرايتي..
أنا أمرت إنهم يحطوا صورتي في كل حتة..
بس ماقلتلهمش يحطوها على
الجبنة المثلثات بتاعة العيال...
المرايا:-لأ يا فندم هما حطوها
عشان العيال ماكنوش يرضوا يا كلوا الجبنة..
فحطوها عشان يقوللهم
اللي مش حياكل حيبقى زي عمو..،
بس أنا كان لي طلب عند سيادتك..
الملك:-قولي يا مرايتي
المرايا:-الهانم حرمك.
كانت مانعة جيمي ابن سيادتك
يلعب بالكورة قدامي عشان خايفة أتكسر.
قولها خصيمك النبي يا شيخة..
خليه يلعب عشان اتكسر ولا أروح في داهية..
أحسن من ما أشوف كل يوم النحس أبو كرش ده
الملك:-إيه ده..هو في حد بيقف قدامك غيري..
المرايا:-يا لهوي يا مولاي..
