من طرف النتيجة قربت وكل واحد فيكم حاتط ايدة على قلبة وفى ناس
منكم مقضيها عادى ولا ع البال
ومن واقع خبرتى وعبقريتى الزائده قررت انى اديكم شوية نصائح عن كيفية استقبال نتيجة الامتحان والله الموفق يعنى علشان تستفيدوا
احم احم
.
أولا : يا برنس منك ليها لازم تحبكها فى البيت قبل النتيجة بمعنى
إيه انك لازم تفرهض فى السرير بتاع أربع خمس أيام كده
ويجيلك كل الأمراض اللى ما تخترش على بال بنى آدم من أول
المغص لحد البواسير علشان اللى فى البيت قلبهم يحن يامعلم
ويأجلوا المواجهة لو النتيجة جت لا قدر الله زى ما انت متوقع
وشلتلك بتاع اربع مواد كدة .
ثانيا : تبتدى تمرن نفسك على كيفية البكاء المستمر وتتعلم ازاى
تتشحتف علشان تصعب على كل اللى يقبلك .
ثالثا : تتدرب على بعض الفنون القتالية زى المصارعة او الكارتية
مثلا وده ضارورى ليه بقى يانجم هقولك انا علشان هيبقى فى
زغابة واقفة على النتيجة فلازم انت تكون مستعد لكل ده علشان
توصل فى أسرع وقت ممكن علشان انت عارف بيبقى فى
هواة تقطيع الورق دول عرفهم طبعا الواحدة من دول تعرف انها شايلة
السنة تروح مقطعة الورقة وحلينى انت بقى يا معلم عقبال ماتعرف النتيجة بتاعتك .
رابعا : لازم يا نجم تروح تجيب نتيجتك بنفسك علشان ماتبقاش
واقف هيغمى عليك وانت مستنى صحبك يجبهالك وتلاقيه بعد
ده كله خارج يقولك انت شيلت 3 مواد لية دة ظلم (اليعنى الواد
حل اوى) .
خامسا : انك تتحلى بكل انواع البرود علشان انت هتقابل اليوم
ده اللى عمرك ما شوفته يعنى انت خارج كدة وشايل اربع مواد
وتلاقى ام احمد الفراشة بتقولك الحلاوة يا بية فا انت لو مكنتش
هادى هتعمل حاجة من الاتنين ياتموتها لا تموت نفسك فلازم
تبقى هادى وتستحمل علشان اللى جاى اصعب .
سادسا : لازم تؤمن وتصدق ان النتيجة دى بتاعتك ومفيش
غلطات مطبيعة (احنا هنمثل ما انت عارف انك شايل شايل).
سابعا : تاخد بعضك يا معلم وعلى أقرب مطعم وتاكل أكبر كمية
من الأكل علشان انت الفترة اللى جاية هتكن فى اوضتك
ومافيش اكل (ولا انت معندكش دم وهتقعد تاكل مع باباك
ومامتك على أساس انك احمد زويل) ؟
ثامنا : نيجى لاصعب لحظة ألا وهيا نقل الخبر للأعداء (باباك
ومامتك) وهنا هنرجع للبند رقم اتنين بتاع الافلام الماسوية
والبكاء المستمر .
تاسعا : اول ما تشوف باباك اول كلمه تقولها حرااااااااااااااااااام
دة ظلللللللللللم ويغمى عليك يا معلم وماشوفش وشك فايق
غير بعد 14 يوم اتفقنا .
عاشرا : رقم بوليس النجدة 122 اوعى تنسى ( ده فى حالة لو
الناس عندك فى البيت ما بيخلش عليهم الحاجات دى )
وزى ما بيقولوا فى المثل (( أسأل مجرب))
منكم مقضيها عادى ولا ع البال
ومن واقع خبرتى وعبقريتى الزائده قررت انى اديكم شوية نصائح عن كيفية استقبال نتيجة الامتحان والله الموفق يعنى علشان تستفيدوا
احم احم
.
أولا : يا برنس منك ليها لازم تحبكها فى البيت قبل النتيجة بمعنى
إيه انك لازم تفرهض فى السرير بتاع أربع خمس أيام كده
ويجيلك كل الأمراض اللى ما تخترش على بال بنى آدم من أول
المغص لحد البواسير علشان اللى فى البيت قلبهم يحن يامعلم
ويأجلوا المواجهة لو النتيجة جت لا قدر الله زى ما انت متوقع
وشلتلك بتاع اربع مواد كدة .
ثانيا : تبتدى تمرن نفسك على كيفية البكاء المستمر وتتعلم ازاى
تتشحتف علشان تصعب على كل اللى يقبلك .
ثالثا : تتدرب على بعض الفنون القتالية زى المصارعة او الكارتية
مثلا وده ضارورى ليه بقى يانجم هقولك انا علشان هيبقى فى
زغابة واقفة على النتيجة فلازم انت تكون مستعد لكل ده علشان
توصل فى أسرع وقت ممكن علشان انت عارف بيبقى فى
هواة تقطيع الورق دول عرفهم طبعا الواحدة من دول تعرف انها شايلة
السنة تروح مقطعة الورقة وحلينى انت بقى يا معلم عقبال ماتعرف النتيجة بتاعتك .
رابعا : لازم يا نجم تروح تجيب نتيجتك بنفسك علشان ماتبقاش
واقف هيغمى عليك وانت مستنى صحبك يجبهالك وتلاقيه بعد
ده كله خارج يقولك انت شيلت 3 مواد لية دة ظلم (اليعنى الواد
حل اوى) .
خامسا : انك تتحلى بكل انواع البرود علشان انت هتقابل اليوم
ده اللى عمرك ما شوفته يعنى انت خارج كدة وشايل اربع مواد
وتلاقى ام احمد الفراشة بتقولك الحلاوة يا بية فا انت لو مكنتش
هادى هتعمل حاجة من الاتنين ياتموتها لا تموت نفسك فلازم
تبقى هادى وتستحمل علشان اللى جاى اصعب .
سادسا : لازم تؤمن وتصدق ان النتيجة دى بتاعتك ومفيش
غلطات مطبيعة (احنا هنمثل ما انت عارف انك شايل شايل).
سابعا : تاخد بعضك يا معلم وعلى أقرب مطعم وتاكل أكبر كمية
من الأكل علشان انت الفترة اللى جاية هتكن فى اوضتك
ومافيش اكل (ولا انت معندكش دم وهتقعد تاكل مع باباك
ومامتك على أساس انك احمد زويل) ؟
ثامنا : نيجى لاصعب لحظة ألا وهيا نقل الخبر للأعداء (باباك
ومامتك) وهنا هنرجع للبند رقم اتنين بتاع الافلام الماسوية
والبكاء المستمر .
تاسعا : اول ما تشوف باباك اول كلمه تقولها حرااااااااااااااااااام
دة ظلللللللللللم ويغمى عليك يا معلم وماشوفش وشك فايق
غير بعد 14 يوم اتفقنا .
عاشرا : رقم بوليس النجدة 122 اوعى تنسى ( ده فى حالة لو
الناس عندك فى البيت ما بيخلش عليهم الحاجات دى )
وزى ما بيقولوا فى المثل (( أسأل مجرب))
عدل سابقا من قبل مايلى في السبت مايو 30 2009, 22:54 عدل 2 مرات
