تجارب غريبة اعملها بنفسك

التجربة الاولي



كيف تحدد أماكن اشياء خفيه بواسطه الحاسه العاشرة

يقولك فيه شي يسمى (البندول) مهوب بندول علاج حبوب لالالا .... هذا شي ثاني...
هذا يتكون من سلسلة حديدية طولها تقريبا 30 سم وفي اخرها كوره معدنيه او كرستالية...
وهذي تقدر تسويها وتصنعها بنفسك.....
لكن المهم وشلون تستخدم هذي الآلة وش فوائدها انا اقولك .... وهي مجربة
تستخدم في العثور على الاشياء بمساعده عقلك الباطني ... عاد وش عقلك الباطني مدري والله
ويقولك كانو يستخدمونه الاغريق قديما في البحث وهو علم ولا يمت للسحر بصلة ابدا لا من قريب ولا من بعيد


مثاااااااال : هذا جدك الله يطول بعمره عنده مزرعه وجاء على باله يحفر ارتواز (( بير )
لكن جدك حضه مقرود كل ما حفر في مكان طلع له بلوى
حفر في مكان وطلعله مويه بياره
حفر في مكان ثاني طلعله بترول
غير المكان وحفر حفره ثانيه طلع له ديبان وعقارب

تعال لجدك وقله ... اسمع يابو الشباب كم تعطيني واطلعلك مويه في مزرعتك ...
قال جدك اقول انقلع
ياجدي لاتحقر احد
قال جدك منيب احقر احد بس اني احقرك انت ما وراك سالفه
قلتله طيب جدي انا اوريك ... والله لو تحفر الا بكره ما تلقا شي بهالمزرعه الخايسه لو تحفر الين تطلع مع الجهه الثانيه من الكوره الارضيه منتب لاقي مويه ....
قال جدك يالله ورني يالفاهم
الرهن من عشرين الف .... ما تفوت
.......................زيييييين


انا اقولك وش تسوي تاخذ البندول وتقول بسم الله
وتوقف وسط المزرعه وتبدا تركز تفكيرك على وجود مياه جوفيه ...
البندول يبدا يتحرك شوي شوي من .. مثلا جهه الغرب والشر
او مثلا يمين ويسار مثل الصوره الي تحت



يعني راح تمشي على الخط الي عطاك البندول
لحد ما تلقى المكان المطلوب
واذا وصلت المكان المطلوب البندول راح يدور على نفسه مثل هالصورة الي تحت



هذة علامه تحديد على الموقع الي فيه المويه .. وبهالطريقه تكون وجدت مكان الماء

ثم يجي جدك يحفر واخرتها يطلع جيك موية منهل مدفون من سنتين
ثم يجي جدك ويلعن خيرتك


بس هذي طريقه تحتاج لخبراء على فكره
ويمكن تدور على شي ضايع في البيت مو لازم مويه اي شي يخطر في بالك وجرب ..
تدور محفظه ولا مفاتيح بحيث انك تركز في الي تبي تدوره ... بعقلك .... وتركز في البندول بعيونك
وتشوف وين يوديك البندول حسب الاتجاه الي يعطيك..
وسلامتكم


--------------------------------------------------------------------------------

التجربة الثانية



اذا ضعت في البر وش تسوي

يقولك هذولي شلة طالعين البر ..
المهم فيه واحد يقاله ناصر مسوي فاهم
قال ياشباب خلونا نتقدم وندخل في البر شوي فيه مكان زين قدام
قالو ربعه... ناصر تدل زين ولا بتوهقنا ..
قال ناصر اقول لا يكثر .... ادل في البر اكثر من حارتنا .. ماعليكم
قالو طيب شورك وهدايه الله ... المهم تقدمو .. وروحوا ... وتقدمو ,,,, وابعدو ..
الين لقو هذيك الشجره وتكو عندها وتغدو وعينو خير وشيشو وشربو شاهي
المهم ضفو اغراضهم يبي يمشون ويناصر هو الي يدلهم
وهم راجعين جاء في وجهم ضلع (( جبل )) سد عليهم الطريق .
رجعو وسد عليهم ضلع ثاني ... المهم قعدت تلعبهم هالمزون والضلوع الين داخو
وحولو ناصر وجلدوه بعد الين داخ ......
جاء اليل وهم ضايعين .
قال واحد انا اذكر ان حنا جايين شمال
قال الثاني صح انا اذكر بعد انا جايين من شمال بس وين الشمال بالليل المهم قامو يدورون (( القطب الدبي ))
عشان يعرفون وين الشمال
لكن السماء غيم وش يسوون


وش تسوي عزيز القاري .... لامشكله مع سوالف القايلة

اتصل على الدفاع المدني وأطلب المساعدة الله من زين الحلول
طيب فرضا مافيه تلفون وش تسوي عشان تعرف وين الشمال بالليل والسماء غيم تعال اقولك
...........................................

رح ياطويل العمر جب الأغراض التاليه
1 كرتون المناديل
2 ماء .. سواء على الارض او في كأس : المهم ماء راكد لا يتحرك كثيرا
3 ابره ولا اي صفيحه حديد وقصها او اثنيها بشكل الابره>> مدبب من جهه وعريض>> من الجهه الاخرى

قص قطعه من كرتون المناديل بشكل دائري بحيث انها تطفح على سطح المويه الي في الكاس
حط الابره على قطعة الكرتون .... واتركها
.................
على طول راح تلاقي راس الابره المدبب اتجه للشمال
وهذي بمثابه البوصله
وبالطريقه هذي تقدر ترجع ربعك لبويتهم سالمين غانمين بمشيئه الله


والمره هذي ماودي اطول عليكم تكفي تجربتين
ونوفر باقي التجارب للحلقات الجايه
وسلامتكم

هههههههههههههههه
شكرا لك أخي

شكرا على الموضوع

ههه شكرلااااا

برافو موضوع جميل

شكرا على التجارب الغريبة

جامدة يا باشا

هههههه شكراً ع الموضوع

بارك الله فيك ..وشكرا جزيلا لك على التجارب الرائعة

مشكور اخوي