من طرف 
ده حوار بين أب وابنه بعد 100 سنه
الاب:
يا بني انتو زمانكو ده ما يعلم بيه الا ربنا.......فين أيام زمان...
_كان جدك هيثم يديني العشرة جنيه وانا رايح الجامعه كنت اركب بيها واجيبلي كنزايه وسندوتش برجر ويفيض معايا كمان مش زمانكم المهبب ده..!!!!؟؟؟
_وكان الواحد مننا يقدر كده يدخل بيتهم بعد الساعه 5 الفجر يا لهووووووي!!!!من الساعه 4 يكون الباب مقفول ولو جدع تتأخر بقي يا حلو وشوف ايه اللي هيحصل؟؟؟
_وكان الواحد فينا يقدر يعلي حسه علي أمه ولا يمد ايده علي أبوه الا لما هو يبتدي كان في حاجه اسمها احترام وادب يا أستاذ!!!!!
_ومش عارف أنا ايه التقاليع الفارغه اللي طلعينلي فيها شباب اليومين دول كان علي أيامنا يا بني يدوبك الشاب مننا يلبس البادي الكات ويسقط البنطلون ويوقف شعره وخلاص علي كده أمال ايه يا أستاذ كان في حاجه اسمها ادب واحترام.......
_ولا التعليم اللي باظ علي ايامكم السوده ديه يا بني علي ايامنا كنا نأخذ دروس في كل المواد وشكرا علي كده والمذاكره كان اسمها مذاكره تقعد بالنص ساعه والساعه الكامله كل يوم عالكتاب ما تتحركش وكان اسمها وزارة التربيه والتعليم وكان فعلا في تربيه وفي تعليم مش جيلكم البايظ!!!!!!
_وكنت تقعد كده تتسلطن علي اغاني الطرب بتاعت زمان الست هيفا وكوكب الغرب روبي ولا العظيمه نانسي ولا العندليب الاخضر الاستاذ سعد الظغنطط طرب من اللي ينضفلك ودانك مش الكلام الفارغ بتاعكم ده!!!!؟؟؟
_وكانت الحاجه رخيصه كده وفيها بركه يا بني ديه وجبة كنتاكي كنت بجبها بعشرين جنيه وايه كان اسمه اكل ........
مشفتوش انتوا يا بني الخير اللي كان علي ايامنا
يللا قول للزمان ارجع يا زمان!!!!؟؟؟
يلا بقــى قولوا ايه رأيكم فى زماان
عدل سابقا من قبل مايلى في الأحد يوليو 26 2009, 16:27 عدل 1 مرات
