من طرف 
ازيكو يا جماعة ؟؟
اعتقد باقي كام يوم على رمضان .. وما زال الفتور وعدم المبالاة شعورا يخالجنا .. عشان كده فكرت معاكو ازاي نطلع برمضان تمام التمام من غير تقصير ان شاء وفي نفس الوقت منتعبش ولا نفتر زي كل سنة !!!
وده مش جدول ولا حاجة ولا خطة زي ما الناس بتعمل .. لكن اعمل لنفسك تصور لرمضان 2009 ونفذه بمعرفتك !!!
عشان كده احنا في رمضان السنة دي هنعمل ايه ؟؟؟؟
1 ) هنصوم ؟؟
- 30 يوم كاملين ان شاء الله محتسبن اجرها عشان يغفر لنا ما تقدم من ذنوينا !!
- ممكن نصوم اكتر من 30 يوم ازاي ؟؟؟ عن طريق تفطير الصايمين لأنك بتاخد أجره معاك !!!
- مش عوزين نجرح صيامنا بأي شيء وبلاش أفلام ومسلسلات وفوازير السنة دي !!!
2) هنصلي ؟؟
- الرجالة في الصف الأول 5 فروض كل يوم ده أكيييد ان شاء الله !!!
- النساء والبنات صلاتك في بيتك أحسن من الجامع .. بس اعملي حسابك السنة دي تصلي التراويح مع الجماعة في المسجد !!!
- الفرض في رمضان بـ 70 في ما سواه !!!
- النافلة في رمضان بفرض بره رمضان !!!
3) هنقوم ؟؟
4) هنقرأ ونختم ؟؟
- وأكيد عارفين أجر قيام الليل .. وكل ليلة نحتسبها في موازين الحسنات عشان يغفر لك ما تقدم من ذنبك !!
- لازم تقوم مع الامام في التراويح لغايت ما يخلص عشان تاخد الأجر كامل
- من صلى العشاء في جماعة فكأنما قام نصف الليل .. ومن صلى الفجر في جماعة فكأنما قام الليل كله !!!!
4) هنقرأ ونختم ؟؟
- وأكيد كلنا عارفين رمضان شهر القرآن ولازم نختمه على الأقل مرة !!!
- بكل بساطة القران 600 صفحة في 30 يوم يعني 20 صفحة كل يوم في 5 صلوات يعني 2 صفحة قبل كل صلاة و2 بعدها تختم وانت مستريح !!!!
- والله يضاعف لمن يشاء لو حبيت تزود بقى 4 ، 6 ، 8 صفحات !!!
5) هنتصدق ؟؟
- وأكيد كلنا عارفين رمضان شهر الجود والنبي كان اجود من الريح المرسلة !!!
- عشان كده على الأقل هنخصص 15 جـ لوجه الله لا تساوي شيء جمب مصاريفنا لكن يوم القيامة هتلاقوها جبال نص جنيه يوميا بعد اي صلاة للفقراء !!!!
6) هنذكر ربنا ليل ونهار من غير ما نحس ؟؟
- أذكار الصباح بعد الفجر والمساء قبل الفطار ان شاء الله !!!
- الاستغفار كل ما نذنب وفي الأوقات الفاضية !!
- الباقيات الصالحات ... سبحان الله والحمد لله والله أكبر ولا اله الا الله ولا حول ولا قوة الا بالله وطبعا دي بالدنيا وما فيها !!!
- الصلاة على النبي طول اليوم !!!
- الكلمتان الخفيفتان .... سبحان الله وبحمده سبحان الله العظيم !!!!
7) معلش طولت عليكم بس عندي ملاحظة ؟؟
أنواع الصيام عشان كل واحد يشوف نفسه من اي نوع :
- صيام العموم : الصيام عن الأكل والشرب والشهوة بس
- صيام الخصوص : الصيام عن اللي فات + الصيام عن المحرمات والمكروهات
- صيام خصوص الخصوص : الصيام عن كل اللي فات + الصيام عن الأفكار المحرمة يعني صيام القلب
اللهم بلغنا رمضان واجعلنا فيه من عتقائك من النار !!!!!!!!!!!!!
وكل سنـــة وانتو طيـبـيـيـن
برعـــــــــــــــاية شلتنـــــــــــــــــا دوت كــــــــوم
